椰子合掌瓜粟米紅蘿蔔煲栗子素湯

林太從來無食過兼無買印度椰子，只知功效是化痰止咳、潤肺清熱、滋陰養顏。見天氣開始乾燥，又想煲下D潤肺湯水打下底，於是買嚟試下，果然名不虛傳，又香又甜，個個都飲咗兩碗，連傭傭都話GOOD~~~~~~~~

雖然又香甜、又清潤，但是大家都唔好成日飲。上網睇過有關印度椰子的報導，印度椰子的飽和脂肪含量高過新鮮椰子。即使是煲湯，脂肪亦會溶於湯水中，過量會引起健康問題。大家適可而止。

椰子合掌瓜粟米紅蘿蔔煲栗子 (素湯食譜)

材料 ﹕

印度椰子                2個

合掌瓜           1個

紅蘿蔔           1個

粟米             2條\

栗子             1磅

南北杏         1湯匙

清水           3公升

做法 ﹕

1.      栗子去殼，用熱水煲5分鐘，立刻去衣，備用。

2.      印度椰子洗淨，切件。

3.      合掌瓜、紅蘿蔔洗淨去皮，切件；粟米去衣留鬚，洗淨切件。

4.      南北杏用清水浸一刻，然後隔去水份。

5.      將所有材料連同大約3公升清水放入湯煲中，用大火煲滾後，轉細火煲2小時，下鹽調味即成。