泰式豬頸肉 @ 空氣炸鍋(Airfryer)

氣炸鍋買咗好幾年，初初用得最多係《大細魔》，兩姐弟成日整氣炸薯條、饅頭..........，玩完一輪，又打入冷宮。諗諗下無理成日放係到，要同佢講通多D，唯有教《傭傭》陪下佢。

泰式燒豬頸肉 @ 空氣炸鍋(Airfryer) 食譜

材料 ﹕

急凍豬頸肉                                                            450克

泰國青檸(青柑仔)                                 1個

芫茜                                                                           適量

醃料 ﹕

胡椒粉                                                                     少許

紹酒                                                                    1/2湯匙

椰糖                                                                        1湯匙

(隨意改用黃糖或砂糖)          

魚露                                                                         1湯匙

老抽                                                                                      1/2茶匙

蘸汁﹕

青檸汁                                                                 1湯匙

魚露                                                                                                   1湯匙

椰糖                                                                         1湯匙

做法 ﹕

1. 豬頸肉徹底解凍後，洗淨抹乾水，在兩面肉上介幾刀(不要順肉紋)，尤其邊位，防熟後捲起。

2. 將豬頸肉放入深碗中或密實袋，將醃料依次序加入拌勻。置室溫醃半小時，之後放入雪櫃最少5小時，或過夜。

3. 焗前取出，置室溫半小時。

4. 預熱氣炸鍋 ﹕鍋內注入半杯清水，用200度5分鐘。

5. 將豬頸肉平放在炸鍋煎盤上，用200度焗約12分鐘(視乎厚薄)至熟，中途返轉一次，取出切片上碟。