香港 ~ 杜拜 ~ 莫斯科
今次俄羅斯之旅(18/7/2018-26/7/2018)，原本由六人行而變成得我同「米飯班主」二人行，但都無礙，因為都係跟團(金x假期)，團費joy in one(全包 ﹕ 即機場稅、燃油附加、入場費，領隊導遊司機費，除咗芭蕾舞表演外)，乘搭阿聯酋，由莫斯科入，聖彼得堡走，由於我倆是頭六位報名，連埋用某銀行信用咭，九天只係$18,490。今次係我倆第2次跟這旅行社，上次是去塔斯曼尼亞，整體唔錯。
提早一晚(即17/7)9:30pm在機場集合。跟團就是咁，早成三個鐘到機場集合，過晒行李出埋境，去到登機閘口都係10點多，無無聊聊坐坐坐，等等等................
機程大約8粒鐘抵達杜拜機場，再等差不多4粒轉機到莫斯科，領隊千叮萬囑，同行的自己友，各自提醒，唔好瞓過龍，攪到我同「米飯班主」都唔錦一齊瞓，好彩杜拜機場都幾好行，仲有免費雪糕任食，四款口味，我倆已試均 ^0^起碼消磨下時間，如果唔係成4粒鐘點挨喎
終於挨到轉機la 喂!
大約4小時機程抵達莫斯科(多莫傑多沃機場Domodedvo)
所有團友兌換盧布、買電話咭後，上旅遊巴，離開機前往酒店
隨處見到世界盃的佈置、紀念品
坐咗個幾鐘，終於抵達第一晚的酒店(Holiday Inn Seligerskaya Hotel)
由於坐咗十幾個鐘飛機，再加埋由機場到酒店的個幾鐘，所以安排是日晚餐在酒店內，等團友可以早點返回房間休息
食飽後，我倆無立刻回房休息，反而行咗去離酒店較遠的商場(領隊介紹，其實都係十零分鐘腳程)，買咗水、朱古力等，跟住真是反酒店休息，第一日行程完畢!
沒有留言:
張貼留言